23 апр 16:45
Янгиликлар

Футбол

"Реал" етакчиси икки йилга футболдан четлатилиши мумкин

Мадриднинг "Реал" клуби ҳужумчиси Виниcиус Жуниор Халқаро футбол федерацияси (ФИФА) томонидан текширувдан ўтиши лозим.

Бу ҳақда Marca хабар бермоқда.

Манбага кўра, 24 ёшли футболчи бир нечта футбол клубларига эгалик қилгани учун манфаатлар тўқнашуви қоидаларини бузганликда гумон қилинмоқда. Агар бразилиялик айбдор деб топилса, икки йилгача футболдан четлатилади.

Жорий мавсумда Виниcиус барча турнирларда 47 та ўйин ўтказиб, 21 та гол урди ва 15 та голли узатмани амалга оширди. Футболчининг клуб билан амалдаги меҳнат шартномаси 2027 йилнинг ёзига қадар мўлжалланган. Футболчи 200 миллион еврога баҳоланмоқда.