"Реал" ҳимоячиси Асенсио судланди

Бу ҳақда Canarias 7 нашрига таяниб Mundo Deportivo хабар берди.

Ҳодиса август ойида содир бўлгани таъкидланмоқда. 23 ёшли Рауль Асенсио Гран-Канария жанубида ўз Porsche автомобили рулида қонидаги алкоголь даражаси рухсат этилган меъёрдан тўрт баравар юқори бўлган ҳолда тўхтатилган. У соддалаштирилган тартибда судланиб, 14 400 евро миқдорида жарима ва саккиз ой муддатга ҳайдовчилик ҳуқуқидан маҳрум қилиш жазосини олди.

Бундан ташқари, Асенсио ва "Реал" ёшлар жамоасининг яна уч нафар собиқ ўйинчисига нисбатан икки аёл иштирокидаги жинсий хусусиятга эга видеороликларни уларнинг розилигисиз тарқатганлик айблови бўйича суд суриштируви бошланганда, яқин кунларда у яна суд олдида жавоб беради.