"Реал" катта номли футболчилар кетидан қувиб, ишончни йўқотди" - Лапорта

У бу ҳақда “L'Equipe” нашрига берган интервьюсида таъкидлади.

"Бир катакда биттадан ортиқ хўроз бўлиши мумкин эмас. Бу ҳеч қачон иш бермайди. Футболда асосий устуворлик — жамоа. "Реал" эса ҳар доим катта номли ўйинчиларни афзал билган. Фикримча, шу сабабли улар ҳар қандай ишончни йўқотишди — айнан шунинг учун Перес Негрейра иши бўйича ёлғонларни тарқатиб, ўзини оқлашга уринмоқда. Хулоса эса битта — "Реал" икки йилдан бери ҳеч нарса ютмаяпти!", – деди Лапорта.

"Барселона" Ла Лигада 8 турдан сўнг 24 очко билан турнир жадвалида биринчи ўринни эгаллаб турибди. "Реал" эса 21 очко билан учинчи поғонада бормоқда.

"Барселона" Испания чемпионатининг 10-тури доирасида "Реал"ни қабул қилади. Учрашув 25 октябрдан 26 октябрга ўтар кечаси Тошкент вақти билан соат 01:00 да бошланади.