"Реал Мадрид" 2023 йил Дубайда тематик парк очади

Испания клуби Dubai Parks and Resorts билан ўзининг биринчи тематик паркини очиш бўйича шартнома имзолади.

“Ташриф буюрувчиларга интерактив тадбирларда, жумладан, “Реал Мадрид”ни XX асрнинг энг буюк клуби сифатида белгиловчи руҳ, иштиёқ ва муваффақиятдан илҳомланган турли ўзига хос ўйинлар ва аттракционлардан баҳраманд бўлиш имкониятини беради”, дейилади Мадрид сайтидаги хабарда.

Боғнинг очилиши 2023 йилнинг тўртинчи чорагига мўлжалланган. У музей, футбол маҳорати ўйинлари ва жамоа тарихига оид эсдалик буюмларини сотадиган чакана савдо нуқталарини ўз ичига олади.