23 апр 17:52
Янгиликлар

Футбол

"Реал" ва "Барселона" Испания терма жамоаси аъзоси учун курашади

Испания футболи янги юлдузни кашф этди: "Осасуна"нинг 22 ёшли вингери Виктор Муньос Ла Лига грандлари "Реал" ва "Барселона"нинг трансфер стратегияларидаги асосий мақсадга айланди.

"The Athletic"нинг хабар беришича, Муньос ажойиб тезлик, техника ва қанот ҳимоясида дадил, ижодий қарорлар қабул қилиш қобилиятини намойиш этди. Бундай дебютдан сўнг Европа элит клублари ёш истеъдодни сотиб олиш учун навбатда турибди.

Муньоснинг ютуғи халқаро миқёсда ҳам эътибордан четда қолмади: 2026 йил март ойида у Испания терма жамоаси сафида дебют қилди ва бу воқеани Сербияга қарши гол билан нишонлади. Ҳозирда вингер Жаҳон чемпионати учун кенгайтирилган номзодлар рўйхатидан жой олган.

Ўйинчи ушбу мавсум "Осасуна" таркибида 34 ўйинда иштирок этиб, 6 та тўп киритди ва 5 та голга ассистентлик қилди. Transfermarkt унинг қийматини 20 миллион еврога баҳоламоқда.