06 июн 09:20
Янгиликлар
Футбол
"Реал"да мавсум футболчиси аниқланди
Ўзининг навбатдаги муваффақиятли мавсумини ўтказган "Реал" жамоадаги энг яхши футболчини тақдирлади.
Жуд Беллингем "Реал Мадрид" клубининг ушбу мавсумдаги энг яхши ўйинчиси деб топилди. Англиялик юлдуз мухлислар томонидан ўтказилган сўровномада биринчи ўринни эгаллаган.
Маълумот учун, Жуд Беллингем ушбу мавсум 42 та ўйинда майдонга тушиб, 23 та гол уришга эришди. "Реал Мадрид" эса Жуд Беллингемнинг ёрдами билан Испания Ла Лигаси, УЕФА Чемпионлар лигаси ва Испания суперкубогида зафар қучди.
"Ўзимнинг биринчи мавсумимдаёқ бу каби соврин ютиш мен учун шараф. Мухлислар мени танлаганларидан жуда бахтли ва миннатдорман. Ўйинимни кўриш уларга мароқ берганига умид қиламан. Жуда яхши мавсум бўлди", -дейди Жуд Беллингем ушбу мукофотга лойиқ кўрилгани ҳақида.
Ҳавола :
Манба : realmadrid.com
Фикрлар