Регби бўйича очиқ биринчилик ғолиблари аниқланди

Фарғона Давлат Университетининг спорт мажмуасида ташкил этилган мусобақа бугун, 29 декабрь куни ўз якунига етди ва ғолиблар аниқланди.

Ушбу мусобақа Ўзбекистон Республикаси Президентининг 2019 йил 29 октябрдаги “Регби спорт турини янада ривожлантириш чора-тадбирлари тўғрисида”ги ПҚ-4500-сонли қарори ижросини таъминлаш ва ушбу спорт турининг аҳолини ўртасида кенг тарғиб этиш мақсадида ўтказилди.

Мазкур нуфузли мусобақада Фарғона вилоятидаги 15 та корхона, ташкилот ва ҳуқуқни мухофаза қилувчи органларининг ишчи ходимларидан ташкил топган жамоалари иштирок этдилар. Қизиқарли ўтган мусобақада фахрли 3-ўринни вилоят терма жамоаси, 2-ўринни вилоят ИИБ жамоаси эгаллаган бўлса, 1-ўринни Шарқий ҳарбий округининг “Жасорат” жамоаси қўлга киритди.

Шунингдек, 7 та номинация бўйича фаол ўйинчилар вилоят ҳокимлиги томонидан 1, 2, 3-даражали медал, диплом ва қимматбаҳо совғалар билан тақдирландилар.