Регби: Фарғонада Ўзбекистон чемпионатининг 2-тури старт олди

Регби спорт турини республика бўйлаб оммалаштириш мақсадида Ўзбекистон регби федерацияси раҳбарияти регби-7 бўйича Ўзбекистон чемпионатининг 2- тур ўйинларини Фарғона Давлат Университетининг стадионида 2020 йил 13-15 ноябрь кунлари ўтказишга қарор қилган эди.

Бугун Фарғона вилоятида спортнинг регби туридан Ўзбекистон чемпионати 2-тур босқичи мусобақасининг очилиш маросими бўлиб ўтди.

Мазкур нуфузли спорт мусобақасини очилиш маросимига вилоят ҳокими ўринбосари Ф.Қосимов ҳамда Осиё регбини ривожлантириш вакили Жанубий Африкалик Бенд Жамин Ван Рой ва Марказий Осиё регби федерацияси вице-президенти Анатолий Широллар иштирок этиб, барча спортчиларга омад тилади.

Ушбу мусобақага республикамизнинг барча ҳудудларидан 20 та жамоалар ва клублардан жами 400 нафар спортчилар иштирок этиб, шулардан 100 нафарини қизлар ташкил этмоқда.