UZ

Сўнгги янгиликлар

21:47Бутунжаҳон 44-шахмат олимпиадаси ғолиблари ва иштирокчиларини мукофотлаш тўғрисида Ўзбекистон Республикаси Президентининг фармони 0 21:43Конья — 2021. Улуғбек Рашитов — Ислом бирдамлик ўйинлари чемпиони +ФОТОГАЛEРEЯ 0 21:36Конья: эркаклар ҳамда аёллар кураши: Наврўзовда бронза, Имаевада кумуш! 0 21:08Конья: волейбол (аёллар): Ўзбекистон - Эрон 1:3 + ФОТОГАЛАРЕЯ 0 20:55Конья: таэквандо: Улуғбек Рашитов финалда! Ниёз Пўлатовдан бронза + ФОТОГАЛЕРЕЯ 0 20:37Конья: пара сузиш: Азизбек Бойназаров тўртинчи медалини қўлга киритди! 0 20:22Конья: эркин кураш: Ғуломжон Абдуллаев чемпион! +ФОТОГАЛЕРЕЯ 0 19:25Альварес билан жангига Ўзбекистонда тайёргарлик кўрган Бивол Бишкекка келди + ВИДЕО 0 19:02Бугун Нигина Абдураимова АҚШда ўйин ўтказади 0 18:40РАСМАН: Зубайра Тухуговнинг UFC 280 кечасидаги рақиби маълум +ПОСТEР 0 18:19"Ливерпуль" ўз ярим ҳимоячисига янги шартнома таклиф қилади 0 18:08Ўзбекистон Республикаси президенти шахматчиларимизни унвон билан мукофотлади 0 17:58"Ҳумо" Минскда ўқув-йиғин машғулотларини ўтказмоқда 0 17:43MPL 7 қаерда бўлиб ўтиши маълум бўлди + ВИДЕО 0 17:26Конья-2021. Эркин ва аёллар кураши бўйича баҳслар старт олди + ФОТОГАЛЕРЕЯ 0

25 дек 10:33
Янгиликлар

Регби

Регби федерацияси ЎзМУ билан ҳамкорлик меморандумини имзолади

Теглар :  РегбиЎзМУ
Ҳозирда регби мамлакатимизда жадал ривожланиб бораётган спорт турларидан бири саналади.

Ўзбекистон регби федерацияси ва унинг ҳудудий бўлинмалари ташкил этилди ҳамда фаолият кўрсатмоқда, регби бўйича Ўзбекистон миллий терма жамоаси нуфузли халқаро мусобақаларда («Asian Olympic Pre-Qualifier», «Asian 7ʼs») муносиб иштирок этиб келмоқда, терма жамоамиз Осиё минтақасида кучли саккизликка киради.

Шу билан бирга, моддий-техник база ва инфратузилманинг етарли эмаслиги, регби бўйича мутахассисларни тайёрлаш, қайта тайёрлаш ва малакасини оширишнинг уйғун тизими яратилмаганлиги соҳанинг янада ривожланиши ҳамда Ўзбекистон миллий терма жамоасининг нуфузли халқаро мусобақаларда муносиб иштирокини таъминлашга тўсқинлик қилмоқда.

Регбини янада ривожлантириш, уни республика аҳолисининг кенг қатлами орасида оммалаштириш, юқори сифатли ўқув-машқ жараёнини таъминлаш, регбичилар, тренерлар ва ҳакамларнинг маҳорати ва малакасини доимий ошириб бориш учун қулай шарт-шароитлар яратиш, шунингдек, регбичи-спортчиларни тайёрлаш учун моддий-техник базани мустаҳкамлаш мақсадида Ўзбекистон Республикаси Президентининг 2019 йил 29 октябрдаги «Ўзбекистон Республикасида регби спорт турини ривожлантириш чора-тадбирлари тўғрисида»ги қарори имзоланди.

Унда иқтидорли спортчиларни танлаб олиш (селекция) ишларининг самарадорлигини ошириш ва регби бўйича ўқув-машқ жараёнини сифатли ташкил этиш, регби спортини оммалаштириш, ёшларни спорт клублари, секциялар ва тўгаракларга фаол жалб қилиш, улардан кенг фойдаланиш имкониятини таъминлаш, тренерлар, ҳакамлар ва регби бўйича бошқа мутахассисларни тайёрлаш тизимини такомиллаштириш, регби бўйича Ўзбекистон миллий терма жамоасининг нуфузли халқаро мусобақаларда иштирок этиши учун унинг сифатли ва самарали тайёргарлигини таъминлаш, халқаро мусобақаларнинг ғолиблари ва совриндорларини рағбатлантириш, шунингдек, тренерлар, ҳакамлар ва регби бўйича бошқа мутахассисларни ижтимоий ва моддий қўллаб-қувватлашни кучайтириш, регбининг моддий-техник базасини мустаҳкамлаш ва инфратузилмасини такомиллаштириш белгилаб берилган.


Айтиш жоизки, ушбу спорт тури юртимизга кириб келганига кўп бўлгани йўқ. Айни пайтда регбини юртимизда оммалаштириш бўйича кенг кўламли ишлар олиб борилмоқда. Бироқ, Президент қарори билан мамлакатимизда регбини ривожлантиришнинг ҳуқуқий асоси яратиб қўйилган бўлсада, амалда бажарилаётган ишларни қониқарли, деб бўлмайди.

Шу маънода Қарор ижросини биринчилардан бўлиб таъминлашга киришган Ўзбекистон миллий университети ректори Авазжон Мараҳимов томонидан олиб борилган саъй-харакатлар натижасида 2020/2021 ўқув йилидан бошлаб ЎзМУнинг Таэквондо ва спорт фаолияти факультетида регби спорти бўйича бакалавриат таълим йўналишига 45 нафар талаба қабул қилинди.

Олиб борилган ишларни янада кучайтириш ва тизимли ишларни йўлга қўйиш мақсадида, шунингдек, университет ҳаётидаги бошланаётган янги тарихий қадамга расмий мақом бериш учун Ўзбекистон Миллий университетига Ўзбекистон Республикаси Олий Мажлиси Сенати раисининг биринчи ўринбосари, Ўзбекистон Регби федерацияси президенти Содиқ Сафоев, Ўзбекистон Регби федерацияси бош котиби Қахрамон Жалилов, Ўзбекистон Регби терма жамоаси бош мураббийи Данил Куликовлар ташриф буюрди.

Меҳмонларни университет раҳбарияти билан биргаликда факультетда таҳсил олаётган талабалар: спорт турлари бўйича 11 нафар жаҳон чемпиони, 100га яқин Осиё ва Халқаро мусобақалар ғолиблари кутиб олишди. Чинакам спорт байрамига айланиб кетган ва қарийб икки соат давом этган қизғин баҳс-мунозара, таклиф ва мулоҳазаларга бой бўлган «Ёшлар ва спорт» очиқ мулоқоти якунида Ўзбекистон Регби федерацияси президенти Содиқ Сафоев томонидан талаба-ёшлар билан учрашув совғаси сифатида университет Ахборот-ресурс марказига китоблар жамланмаси тақдим этилди.

Тадбир якунида талаба-ёшлар даврасида ЎзМУ ҳамда Ўзбекистон Регби федерацияси ўртасида мамлакатимизда аёллар Регбисини ривожлантириш, республикамизнинг чекка ҳудудларидаги хотин-қизлар орасидан спортга иқтидори ва қизиқиши борларини топиш, уларни тарбиялаш ва келажакда Ўзбекистон номидан Жаҳон чемпионатлари, Олимпиада ўйинларига тайёрлаш тўғрисида ҳамкорлик меморандуми имзоланди.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг