Регби. Ўзбекистонлик комиссар илк маротаба Осиё чемпионатида ишлайди

«Осиё регби уюшмасидан таклиф олиш мен учун фаҳр. Бу халқаро ҳамжамиятнинг Ўзбекистон регби федерациясига билдирилаётган ишончдан далолатдир», – деди Анатолий Широв.

Айни пайтда ўзбекистонлик мутахассислар Осиё регби уюшмасининг ривожланиш, мусобаалар ва тиббий қўмиталари таркибида фаолият олиб бормоқдалар.

Анатолий Широв 16-19 май кунлари Қозоғистоннинг Олма-Ота шаҳрида бўлиб ўтадиган Осиё чемпионатининг III Марказий Дивизион беллашувларида ишлайди. Мазкур баҳсларда Қозоғистон, Қирғизистон, Мўғулистон ва Покистон каби мамлакатлар терма жамоалари иштирок этадилар. Ўйинларни Гонконг, Канада, Малайзия, Сингапур, Буюк Британия ва Иордания каби мамлакатлардан ташриф буюрадиган ҳакамлар бригадаси бошқариб боради.

Маълумот учун, регби бўйича эркаклар ўртасидаги Осиё чемпионати бир неча дивизонларда бўлиб ўтади (TOP-3, I Division, II Division, III Division West, III Division East, III Division Central). Ўз дивизионида юқори ўринни эгаллаган жамоалар юқори, паст натижалар қайд этганлар эса қуйи дивизионларга йўл оладилар.