Регбичиларимиз халқаро мусобақада иштирок этиш учун Уфага етиб борди

Бутун дунё бўйлаб узоқ давом этган пандемия давридан сўнг илк марта ташкил этилаётган ушбу мусобақада Ўзбекистон миллий терма жамоаси ҳам иштирок этишади.

Куни кеча спортчиларимиз халқаро мусобақада иштирок этиш учун Россиянинг Уфа шаҳрига етиб боришди. Мусобақа турли давлатлардан қатнашаётган иштирокчилар учун ҳам узоқ муддатли танаффусдан сўнг дастлабкиси бўлмоқда. 

Терма жамоамиз аъзолари ушбу мусобақада муносиб қатнашиш мақсадида Тошкент вилояти, Ангрен шаҳрида жойлашган “Янгиобод” ўқув-машғулот базасида сўнгги тайёргарлик йиғинини ўтказди.

Маълумки, кейинги йилларда мамлакатимизда регбини янада ривожлантириш, уни республика аҳолисининг кенг қатламлари ўртасида фаол тарғиб қилиш ва оммалаштириш, юқори сифатли ўқув-машғулот базаси билан таъминлаш борасида қатор ишлар амалга оширилмоқда.