08 ноя 11:01
Янгиликлар

Бокс/ММА

Режага ўзгартириш киритилди: Ҳасанбой дебют жангини Мексикада ўтказади

Аввалроқ, Рио Олимпиадаси чемпиони Ҳасанбой Дўсматов проф боксдаги дебютини Хитойдаги бокс оқшомида нишонлаши ҳақида хабар бергандик.

Лекин боксчининг промоутерлари режага ўзгартириш киритишди. Унга кўра, чарм қўлқоп устамиз 16 ноябрь куни Мексикада ташкил этиладиган бокс оқшомида рингга кўтарилади.

Ҳозирча Ҳасанбойнинг рақиби расман тасдиқланмаган. Бироқ, у катта эҳтимол билан ўша куни мексикалик Хосе Альдо Седенога қарши рингга чиқади. Хосе Альдо шу кунгача проф боксда 10 та жанг ўтказиб, уларнинг 6 тасида ғалаба қозонган. Қолган 4 та жангда эса мағлубиятга учраган.