РЕКОРД! "Фламенго" "Вест Хэм" футболчисини 41 миллион евродан қимматга сотиб олмоқда

"The Athletic" нашрининг хабарига кўра, 28 ёшли футболчининг трансфер суммаси 41,25 миллион еврони ташкил этади. Клублар ҳозирда тўлов тизимини келишиб олишмоқда ва яқин орада шартнома имзоланиши кутилмоқда.

Бу трансфер Бразилия чемпионати тарихидаги энг қиммат харид сифатида рекорд ўрнатади. Аввалги рекорд "Крузейро"га тегишли эди — улар "Зенит"дан Жерсонни бонуслар билан бирга 30 миллион еврога сотиб олишганди.

Маълумот учун, Лукас Пакета АПЛ жорий мавсумида 18 та ўйинда майдонга тушиб, 4 та гол ва 1 та голли узатмани амалга оширди.