Ректор бошчилигидаги ЎзДЖТСУ вакиллари Латвия спорт таълими академиясида бўлишди + ФОТО

У кишига Жисмоний тарбия ва спорт илмий тадқиқотлари институти директори Р. Маткаримов, университет Халқаро ҳамкорлик бўлим бошлиғи Ш. Тоштурдиев, “Мураккаб-техник спорт турлари назарияси ва услубияти” кафедраси мудири И. Каримов ҳамроҳлик қиляпти.  

Ташриф доирасида вакилларимиз Рига шаҳридаги Латвия спорт таълими академиясида бўлдилар. Академия жамоаси меҳмонларни илиқ кутиб олди. Ушбу академия ректори Журис Грантс, илмий ишларни ривожлантириш бўйича проректор Жанис Зиденс ҳамда ўқув фаолияти проректори Андра Фернате иштирокида учрашув бўлиб ўтди. 

Учрашувда келгусидаги ўзаро ҳамкорлик масалалари муҳокама қилиниб, илмий тадқиқот фаолиятини ҳамкорликда ташкил этиш, профессор-ўқитувчилар малака ошириш тизимини йўлга қўйиш масалалари бўйича келишувга эришилди ҳамда Икки томонлама ҳамкорлик шартномаси имзоланди.

Шундан сўнг, Латвия спорт таълими академиясида талабалар учун яратилган шароитлар, академиянинг имкониятлари, моддий-техник базаси билан яқиндан танишдилар, дарс жараёнларининг гувоҳи бўлдилар.

Илҳом РАҲМОНОВ тайёрлади