Ретро. 2006 йил Тошкентда Эронни тахтдан ағдариб, илк бор Осиё чемпиони бўлган Японияни тақдирлаш маросимидан ФОТОРЕПОРТАЖ

2006 йилнинг 21-27 май кунлари Осиё Футбол конфедерация томонидан Тошкентда ўтказилган футзал бўйича Осиё чемпионатини эслашда давом этамиз. 

Эътиборингизга футзалчиларимиз Осиё вице-чемпионига айланган тарихий мусобақанинг тантанали тақдирлаш маросими акс этган суратларни томоша қилишни тавсия этамиз. Финалда Ўзбекистон терма жамоаси Сержио Сапо бошчилигидаги Японияга 1:5 ҳисобида мағлуб бўлган эди. Тошкентда Эроннинг якка ҳокимлигига чек қўйилган, Япония эса ўз тарихида илк бор Осиё чемпиони бўлганди.    

Тақдирлаш маросимида учта номинация бўйича ҳам ғолиблар аниқланган эди. Япониялик Кеничиро Когуре Осиё чемпионатининг энг яхши футболчиси деб топилган. Эрон футзали афсонаси Воҳид Шамсайи 16 та гол билан турнир тўпурари бўлган. Ўзбекистон эса Fair-Play (Ҳалол ўйин) совринини қўлга киритганди. Бронза медали учун кечган баҳсда Эрон Қирғизистондан 5:3 ҳисобида устун келган эди.

Суратлар муаллифи - Алимурод МАМАДАМИНОВ, ўз мухбиримиз