09 авг 17:27
Янгиликлар

Бокс/ММА

Ретро! Ғофур Раҳимовнинг қиличи, Майкл Баффернинг "укаси", ринг қаршисида Азим Муллахонов ва Улуғбек Отажонов ёҳуд "Жерри"нинг чиқишидан ФОТОРЕПОРТАЖ

Сайтимизнинг "Ретро!" саҳифасида яқин ўтмишнинг тарихга муҳрланган мусобақаларидаги ажойиб суратларни эътиборингизга ҳавола қилишда давом этамиз.

2006 йилнинг 14 октябрь куни Тошкентда ўтган профессионал бокс оқшоми ҳақида суратлар орқали ҳикоя қилишни давом эттирамиз. Қуйида бокс кечасининг тантанали очилиш маросими ҳамда ҳамюртимиз Ғайрат "Жерри" Аҳмедов ва россиялик Руслан Семёнов жангидан фоторепортаждан баҳраманд бўлинг.

Ўн тўрт йил аввалги бокс оқшомида бугунги кунда дунёга машҳур ринг анонсери, россиялик баритон овоз соҳиби Михаил Загорский файз олган, боксга бефарқ бўлмаган санъат аҳлидан - Ўзбекистон ва Туркманистон халқ артиси, устазода Бобомурод Ҳамдамов, Ўзбекистон халқ артисти Мансур Тошматов, Ўзбекистон Республикасида хизмат кўрсатган артистлар Азим Муллахонов, Улуғбек Отажонов мухлислик қилган, Ғофур Раҳимов эса мартабали меҳмонларга совға сифатиа қилич берган, тўн кийдирган эди.