Рейтинг карвонбошиси Давлат Бобонов 10 000 долларга эга бўлди

IJF шу йўл билан 14 та вазн тоифасида Олимпиада йилини биринчи ўринда якунлаган дзюдочиларни тақдирлашга қарор қилди. Ўн минг долларга эга чиққанлар орасида Токио Олимпиадасининг бронза медали совриндори Давлат Бобонов ҳам бор. Ҳамюртимиз -90 кг вазн тоифаси рейтингида биринчи ўринни эгаллаб турибди.   

Эътиборга молик жиҳати шундаки, дзюдо ватани ҳисобланган Япониядан ҳеч ким ўз вазнида 2021 йилни пешқадам сифатида якунлай олмаган. Рейтинг карвонбошиси сифатида пул мукофотига тўрт француз, икки нафардан грузин, рус ва косоволик, бир нафардан Хитой Тайпэйи, Жанубий Корея, Хорватия ва Ўзбекистон вакили эга бўлган. 

2021 йил рейтинг пешқадамлари:

Эркаклар

-60 кг: Янг Юнг Вей (Хитой Тайпейи) 5140 очко

-66 кг: Ан Баул (Жанубий Корея) 5240 

-73 кг: Лаша Шавдатуашвили (Грузия) 5475 

-81 кг: Тато Григалашвили (Грузия) 6592 

-90 кг: Давлат БОБОНОВ (Ўзбекистон) 7536

-100 кг: Арман Адамян (Россия) 5420 

+100 кг: Тамерлан Башаев (Россия) 6250 

Аёллар

-48 кг: Дистриа Красники (Косова) 5920 

-52 кг: Амандин Бушар (Франция) 5890 

-57 кг: Нора Гжакова (Косова) 5880 

-63 кг: Клариссе Агбегненоу (Франция) 7200 

-70 кг: Барбара Матич (Хорватия) 5595 

-78 кг: Маделин Малонга (Франция) 5940

+78 кг: Роман Дико (Франция) 6450

Маълумот учун, 2022 йилги дзюдо мавсуми Португалия Гран-приси билан бошланади. Одивелаш шаҳри мезбонлик қиладиган ушбу турнир 28-30 январь кунлари бўлиб ўтади.