15 май 11:14
Янгиликлар

Теннис

Рим "Мастерс" турнирининг амалдаги чемпионини мағлуб этишди

Италия пойтахти Рим шаҳрида теннис бўйича "Мастерс" сериясига кирувчи турнир давом этмоқда.

Нуфузли мусобақанинг амалдаги чемпиони Даниил Медведев тўртинчи даврада мағлубиятга учраб, унвонини ҳимоя қила олмайдиган бўлди. Дунёнинг тўртинчи ракеткаси бўлиб турган Даниил ATP рейтингида 16-ўринни эгаллаб турган америкалик Томми Полга имкониятни бой бериб қўйди - 1/6, 4/6.

Теннисчиларнинг ўзаро учрашувида Пол илк бор россиялик номдор рақибини мағлуб этишни уддалади - 1:3. Етмиш уч дақиқа давом этган баҳсда Медведев 1, Пол 2 та эйс зарбасини амалга оширган. Даниил фаолиятида ҳеч қачон битта мусобақада кетма-кет икки маротаба чемпион бўлмаган.