Рио-2016. 5-кун. Спортчиларимизнинг бугунги иштироклари якунланди

02:45.Шу тариқа бугунги репортажимиз якунланди. Эртагача!

2:39. ФАЗЛИДДИН РАҚИБИНИ ТЕХНИК НОКАУТ ЭВАЗИГА МАҒЛУБ ЭТДИ! БАРАКАЛЛА!

02:33. Боксчимиз рақибини нокдаун ҳолатига тушириб қўйди. Иккинчи раундда ҳам ғалаба.

02:30. Биринчи раунд боксчимиз фойдасига!

02:22. Рингга боксчимиз ва унинг рақиби чиқиб келмоқда! Олға, Фазлиддин! Газни бос!

01:45. Ярим соатдан сўнг Фазлиддин Ғоибназаров (-64 кг) конголик Дивал Малонгага қарши жанг ўтказади. Кутамиз!

01:30. Дўстматовнинг ярим финалдаги рақиби америкалик боксчи Нико Эрнандес бўлади.

01:11. Ажойиб! ҲАСАНБОЙ ДЎСТМАТОВ ПРИНЦИПИАЛ РАҚИБИНИ МАҒЛУБИЯТГА УЧРАТДИ ВА ЯРИМ ФИНАЛГА ЙЎЛЛАНМА ОЛДИ!

01:08. Иккинчи раунд ҳам Ҳасанбой фойдасига ҳал бўлди.

01:04. Биринчи раундда ҳамюртимиз ғолиб! Яхши!

01:00. Бошладик!

00:58. Боксчилар рингга чиқиб келишмоқда! Дўстматов қизил либосда, рақиб боксчиси эса кўк рангли либосларда жанг ўтказадилар.

00:50. Агар боксчимиз бугун ғалаба қозонадиган бўлса унинг ярим финалдаги рақиби эквадорлик ёки америкалик спортчи бўлади. 

00:40. Жанг бошланишига 20 дақиқа қолди!

23:30. 49 кг вазн тоифасида рингга чиқадиган Дўстматовнинг рақиби қозоғистонлик Биржан Жакипов бўлади. У ҳам ғалаба қозонса ярим финал йўлланмасини қўлга киритади.

22:20. Энди Ҳасанбой Дўстматовнинг жангини кутамиз. Соат 01:00 да!

22:12. У энди ярим финалда россиялик боксчига қарши жанг қилади!

22:05. ЯХШИИИИ! РУСТАМ ТЎЛАГАНОВ ҒАЛАБА ҚОЗОНДИ!

22:01. Иккинчи раунд эса Рустамнинг фойдасига хал бўлди! Яхши!

21:57. Биринчи раундда устунлик рақиб томонда...

21:53. Жанг бошланди! У бугун қизил либосда рингда ҳаракат қилмоқда

21:51. Диққат қилинг, рингга ҳамюртимиз Рустам Тўлаганов чиқиб келмоқда. У бугун озарбайжонлик спортчига қарши жанг қилади.

21:50. Россиялик боксчи рақибини мағлуб этиб кейинги босқичга чиқди. Навбат бизга! Олға, Рустам!

21:44. Россиялик ва италиялик боксчиларнинг жанги бўлиб ўтмоқда. Шундан сўнг ҳамюртимиз рингга кўтарилади.

21:30. Айни пайтда рингда хорватиялик ҳамда бразилиялик боксчилар жанг олиб боришмоқда. Ушбу баҳсни ўзбекистонлик рефери бошқариб бормоқда. Бироздан сўнг Рустам Тўлагановнинг жанги бўлиб ўтади.

21:15. Тўлагановнинг рингга чиқишига оз вақт қолмоқда! 

19:15. Энди соат 21:45 да боксчиларимиз бугунги иштирокларини бошлашади. Унда -91 кг вазн тоифасида жанг қиладиган спортчимиз Рустам Тўлаганов Озарбайжонлик боксчига қарши рингга кўтарилади. Кутамиз!

19:10. Афсуски Шерали Жўраев ҳам иппон баҳоси билан имкониятни бой берди...

19:06. Шерали Жўраев иккинчи жангини бошламоқда.

18:55. Яна тахминан 15 дақиқалардан сўнг Шерали Жўраев иккинчи жангини ўтказади.

18:44. Бу орада академик эшкак эшувчимиз Шаҳбоз Холмурзаевнинг чиқиши қолдирилди. Кучли шамол туфайли. Ҳозирча ушбу баҳслар қачон бўлиши ноъмалум.

18:33. Афсуски, Гулноза полшалик рақибига имкониятни бой бериб қўйди. Огоҳлантириш ҳисобига у ушбу босқичда қолиб кетди...

18:22. Гулноза Матниёзова татамига чиқиб келмоқда! Маълумот учун, Гулноза бугун таваллуд айёмини нишонламоқда! 22 ёш!

18:07. Шерали Жўраев огоҳлантиришлар эвазига рақибидан устун келди ва кейинги босқичга йўлланмани қўлга киритди. У кейинги босқичда швециялик Маркус Нейманга қарши жанг қилади.

17:55. Гулноза Матниёзова эса польшалик Клайс Катарзинага қарши татамига чиқади.

17:38. Спортчиларимиздан биринчи бўлиб дзюдочи Шерали Жўраев баҳсларга киришади. Спортчимизнинг жазоирлик спортчига қарши жанги Олимпиадада бугунги дзюдо баҳсларига старт беради.

17:35. Бугун қуйидаги спортчиларимиз Ўзбекистон шарафини ҳимоя қиладилар.

Шерали Жўраев - (Дзюдо, -90 кг вазн тоифасида, биринчи босқичдан бошлаб - финалгача) - 18:00 дан кейин

Гулноза Матниёзова - (Дзюдо, -70 кг вазн тоифасида, биринчи босқичдан бошлаб - финалгача) - 18:00 дан кейин

Шаҳбоз Холмурзаев - (Академик эшкак эшиш, 13-24 - ўринлар учун, 2000 метр) - 19:10

Рустам Тўлаганов - (Бокс, -91 кг вазн тоифасида, чорак финал) - 21:45

Ҳасанбой Дўстматов - (Бокс, -49 кг вазн тоифасида, чорак финал) - 01:00

Фазлиддин Ғоибназаров - (Бокс, -64 кг вазн тоифасида, 1/16 финал) - 02:15

17:30. Ассалому алайкум спорт ишқибозлари. Бугун Олимпиадада иштирок этадиган спортчиларимизнинг баҳсларидан матнли трансляцияни бошлаймиз.