Рио-2016 чемпиони Руслан Нурудинов декабрдан яна мусобақаларга қайтади

Мусобақа иштирокчиларининг допинг-тести 2018 йил қайта текширилиши натижасида спортчимиз анализида туринабол аниқланади. 

Табиийки, Ўзбекистон оғир атлетика федерацияси ҳам бу вазиятда атлетимизни ёлғиз қолдирмади. Узоқ давом этган суриштирув ишларидан сўнг Нурудинов икки йил давомида мусобақаларда иштирок этишига тақиқ қўйилди. Ушбу муддат 2018 йилнинг 18 декабридан бошлаб ҳисобланади ва 2020 йилнинг 17 декабрида якунига етади.  

Эътиборли жиҳати, 2012 йилдан кейин ўтказилган мусобақалардаги натижалар ва медаллар спортчимиздан олиб қўйилмайди. Яъни Рио-2016 Олимпиадасида 105 кг вазн тоифасида Руслан қўлга киритган олтин медали, 2013 (олтин) ва 2014 йилги (кумуш) Жаҳон чемпионатлари ҳамда Осиё ўйинлари-2018 натижалари ҳам бекор қилинмайди.