Рио-2016. Раҳмонов ва Абдураҳмоновнинг рақиблари маълум

Бугун икки курашчимиз Олимпиада медаллари учун курашга киришади. Аслида эркин кураш мусобақасида 4 нафар полвонимиз иштирок этади. Улардан икки нафари – Аббос Раҳмонов ва Бекзод Абдураҳмонов айнан бугун ўз имкониятини синовдан ўтказади.

Қуръа натижасига кўра, 57 кг вазн тоифасидаги ҳамюртимиз 18 ёшли Аббос Раҳмонов илк даврада кубалик Йовлис Бонне Родригесга қарши гиламга чиқади. Родригес Тошкентда ўтган жаҳон чемпионатининг бронза медал совриндори хисобланади.

Қуръа Бекзод Абдураҳмоновга ҳам кучли рақибни рўбарў қилди. 74 кг вазн тоифасида иштирок этувчи бу курашчимиз россиялик Аниуар Гедуев билан тўқнаш келади. Гедуев икки карра Европа чемпиони, Бокуда ўтган илк Европа ўйинлари ғолиби ҳамда 2015 йилги жаҳон чемпионатининг бронза медал соҳибидир.