27 авг 08:32
Янгиликлар

Ўқ отиш

Рио-де-Жанейро Токио-2020 эшикларини очади

Эртага Бразилиянинг Рио-де-Жанейро шаҳрида пневматик қуролдан ўқ отиш бўйича Жаҳон кубогининг учинчи босқичи старт олади.

3 сентябргача давом этадиган Токио Олимпиадасига йўлланма берувчи мазкур мусобақада Ўзбекистон терма жамоаси ҳам иштирок этади. Ҳамюртларимиз айни пайтда Риога етиб бориган ва тайёргарликнинг сўнгги босқичини олиб боришмоқда.

Ҳамюртларимиз мусобақада 10 метр масофадан пневматик милтиқ ва тўппончадан, шунингдек, 50 метрдан 3 хил ҳолатда ўқ отиш йўналишларида иштирок этадилар.

Терма жамоамиз таркиби:

Азизжон Муҳаммадраҳимов
Маргарита Орлова
Cаидхон Сайфуддинов
Владимир Свечников
Вадим Скороваров
Мухтасар Тоҳирова