Рио Олимпиадаси совриндори Диёрбек Ўразбоевни табриклаймиз!

Диёрбек Ўрозбоев 1993 йил 17 август куни Хоразм вилоятининг Шовот туманида дунёг келган. Мураббий Жамшид Худайбергановдан илк дзюдо сабоқларини олган.  

Ўразбоев фаолиятидаги энг катта ютуққа Рио-2016 Олимпия ўйинларида эришган. Иштирокини 1/32 финалдан бошлаган ҳамюртимиз бу босқичда австралиялик Жошуа Катцни мағлубиятга учратди. Иккинчи учрашувида швейцариялик Людовик Шаммартендан устун келди. Чорак финалда эса қозоғистонлик Елдос Сметовга ютқазиб қўйди. Бронза медали учун курашда аввалига бразилиялик Фелипе Китадаини, кейин эса грузиялик Амиран Папинашвилини таслим этиб, Олимпиада совриндорига айланган. 

Диёрбек 2017 йил Венгрияда ўтган жаҳон чемпионатида бронза, 2018 йил Индонезия мезбонлик қилган 18-Осиё ўйинларида олтин медаль соҳибига айланган. 2016 йилги Тбилиси Гран-приси ғолиби. Икки бор Абу-Даби (2015, 2019), бир маротаба Баку "Катта Дубулға" (2016) турнирларида бронза медалларига эга чиққан.