11 апр 13:17
Янгиликлар

Спорт курашлари

Рио Олимпиадаси совриндори Магомед Ибрагимов ҳам Токиога боради

Олмаотада бўлиб ўтаётган Осиё лицензион турнирининг 97 кг вазн тоифасидаги беллашувларида юртимиз шарафини ҳимоя қилган энг тажрибали курашчимиз Магомед Ибрагимов ҳам Токио Олимпиадаси йўлланмасини қўлга киритди.

Рио-2016 Олимпиадасининг бронза медали совриндори аввалига 1/4 финалда покистонлик Муҳаммад Инамни 8-0, 1/2 финалда эса қирғизистонлик Симбат Сулаймановни 11-1 ҳисобида доғда қолдирди ва тўрт йилликнинг энг нуфузли мусобақаси йўлланмасига эга чиқди.

Маълумот учун, Магомед Ибрагимовнинг Осиё лицензион турнири олтин медалига кечадиган финал баҳсидаги рақиби эронлик Муҳаммадҳусайн Аскари бўлади.