28 окт 10:14
Янгиликлар

Бокс/ММА

Рио Олимпиадаси совриндори Рустам Тўлаганов проф боксда дебют қилди

Бундан бир неча дақиқа аввал Рио Олиимпиадасининг бронза медали совриндори Рустам Тўлаганов профессионал боксдаги илк жангини ўтказди.

Ҳамюртимизнинг профессионал боксдаги дебют жанги АҚШнинг Чикаго шаҳрида бўлиб ўтди. Тўлаганов ўтган вақт мобайнида 26 кг вазн ташлашга муваффақ бўлди ва бугун у 79,9 кг вазн тоифасида рингга чиқди.

Тўрт раундга мўлжалланган жанг чарм қўлқоп устамиз мезбон боксчи Роберт Гэррани очколар ҳисобига кўра мағлубиятга учратиб, проф рингдаги дебютини муваффақиятли бошлаб олди.

"Биринчи ғалаба ҳамиша ёқимли бўлган. Лекин бугунги рақибим "тоза" жанг қилмас экан. "Клинч" ҳолатида боши билан бир неча маротаба зарба беришга уриниб кўрди ва бунинг уддасидан ҳам чиқди", - деди Тўлаганов.