05 июл 17:20
Янгиликлар

Енгил атлетика

Рио Олимпиадасида Ўзбекистон шарафини ҳимоя қилган атлет турмушга чиқди + ФОТО

Енгил атлетика бўйича Ўзбекистон терма жамоаси аъзоси Нигина Шарипова янги ҳаётга қадам қўйди.

Спортчимиз бу ҳақида Инстаграмида хабар қилди.

"04.07.2020. Ушбу ажойиб кунда биз билан бирга бўлган барчага катта раҳмат. Табриклар учун ташаккур", - деб изоҳ қолдирган спортчи суратлар остига.

Эслатиб ўтамиз, Нигина Шарипова қисқа масофалардаги югуриш баҳсларида иштирок этади. Рио Олимпиадаси иштирокчиси. Ислом бирдамлик ўйинларининг кумуш ва бронза медаллари соҳибаси, кўп карра Ўзбекистон чемпиони, бир қатор халқаро турнирлар совриндори ҳисобланади.

Фурсатдан фойдаланиб, сайтимиз ходимлари ва мухлислари номидан спортчимизни муборакбод этамиз.