20 июл 18:01
Янгиликлар

Бокс/ММА

Роберт Уиттакер Адесанья - Перейра жанги ҳақида: "Бу кикбоксинг бўлади"

Ўрта вазнда собиқ UFC чемпиони Роберт Уиттакер Исраэль Адесанья ҳамда Алекс Перейра ўртасидаги эҳтимолий жанг ҳақида гапирди.

"Бу қизиқарли жанг бўлади. Ҳаммаси Алекснинг қандай зарба беришига боғлиқ. Шунингдек, у Адесаньянинг зарбаларини ўлчами кичикроқ бўлган "перчатка"ларида қандай қайтаришига ҳам боғлиқ. Бу кикибоксинг доирасидаги жанг бўлади, деб ўйлайман. Агар бундай бўлмаса, хайрон қоламан", - дея Уиттакернинг сўзларини келтиради Sportskeeda нашри.

Эслатиб ўтамиз, Уиттакернинг ўзи сўнгги жангини 13 февраль куни айнан Исраэль Адесаняга қарши ўтказган эди.

Дарвоқе, аввалроқ Робертнинг Махмуд Мурадов билан бир кардда жанг қилиши ҳақида хабар берган эдик.