Рожердан селфи. "Лэйвер Кубоги" иштирокчилари Лондон кўчалари бўйлаб сайр қилишди + ФОТО

"Йигитлар шаҳарга (Лондон) қайтишди", - деб ёзилган матбуот хизмати постида.

Бир нечта кадрларда европалик теннисчилар Рожер Федерер ва Энди Маррей тасвирланган. Суратда Рожер британиялик ҳамкасбига ёрдам бераётганини кўришимиз мумкин.

Мусобақа иштирокчилари анъанавий тарзда шаҳарнинг диққатга сазовор жойлари фонида қора костюмда фотосессия ўтказдилар. 

Италиялик теннисчи Маттео Береттини ижтимоий тармоқдаги саҳифасига жойлаган суратда теннисчилар Tower Bridge яқинида селфи тушишгани акс этган.

Рожер Федерер эса ўз телефонига олинган селфинининг асл нусхасини Instagram саҳифасига жойлаб, "Team Europe", - дея изоҳ қолдирган.

Суратда швейцариялик Рожер Федерернинг ўзи, шунингдек, италиялик Матео Берреттини, сербиялик Новак Жокович, британиялик Энди Маррей, грециялик Стефанос Циципас, норвегиялик Каспер Рууд ва британиялик Кэмерон Норри тасвирланган. Терма жамоанинг яна бир аъзоси испаниялик Рафаэль Надаль бугун, 22 сентябрь куни жамоа сафига келиб қўшилади.

"Катта Дубулға" турнирларининг 11 карра ғолиби швециялик Бьорн Борг Европа терма жамоаси сардори ҳисобланади.