02 июн 11:39
Янгиликлар

Теннис

"Ролан Гаррос" чемпиони Новак Жокович 4,5 соатлик учрашув ўтказди

Франция пойтахти Париж шаҳрида теннис бўйича "Катта Дубулға" туркумига кирувчи "Ролан Гаррос" турнири давом этмоқда.

Дунёнинг биринчи ракеткаси Новак Жокович мусобақанинг тўртинчи даврасига йўл олди. Франция Очиқ чемпионатининг амалдаги чемпиони учинчи босқичда ATP рейтингида 30-ўринни эгаллаб турган италиялик Лоренцо Музеттини беш сет натижасига кўра мағлубиятга учратди - 7/5, 6(6)/7, 2/6, 6/3, 6/0.

Теннисчиларнинг ўзаро учрашувларида сербиялик афсона олдинда бормоқда - 5:1. Тўрт соату 32 дақиқа давом этган баҳсда Жокович 5, Музетти 1 та эйс зарбасини амалга оширган. Иккала теннисчи ҳам 2 тадан қўшхатога йўл қўйди. Брейклар Новакда деярли икки баробар кўпроқ бўлди - 9 га 5! Энди Жокович аргентиналик Франциско Черундолога қарши кортга чиқади.