31 май 20:54
Янгиликлар

Теннис

"Ролан Гаррос". Дарья Касаткина учинчи даврага йўл олди

Дунёнинг тўққизинчи ракеткаси Дарья Касаткина Парижда давом этаётган "Ролан Гаррос" турнирининг учинчи давра иштирокчисига айланди.

Россиялик теннис маликаси WTA рейтингида 60-ўринни эгаллаб турган чехиялик Маркета Вондроушовани 6/3, 6/4 ҳисобида мағлубиятга учратди. Даша теннисчиларнинг ўзаро учрашувларида ҳисобда олдинга чиқди - 3:2.

Етмиш тўрт дақиқа давом этган баҳсда Касаткина ҳам, Вондроушова ҳам эйс зарбасини амалга ошира олмади. Қўшхатолар иккала теннисчида ҳам 2 тадан бўлди. Брейклар сони 4 тага 2, Касаткина фойдасига. Дарья French Open турнирининг учинчи даврасида америкалик Пейтон Стирнсга қарши кортга чиқади.