"Ролан Гаррос". Дарья Касаткинада ҳам муваффақиятли старт

Сайёрамизнинг 13-ракеткаси Дарья Касаткина кутилганидек, мусобақадаги иштирокини ғалаба билан бошлаб олди. Россиялик теннис маликаси илк даврада WTA рейтингида 49-поғонада бораётган польшалик Магдалена Френхни таслим этди - 7/5, 6/1. Теннисчиларнинг ўзаро учрашувларидаги ҳисоб йириклашди - 3:0.

Тўқсон беш дақиқа давом этган баҳсда иккала теннисчи ҳам 2 тадан эйс зарбасини амалга оширган. Қўшхатолар бўйича Касаткина пешқадам бўлди - 3 га 0. Брейклар бўйича устунлик ҳам Даша томонида бўлди - 6 га 2! 

Энди россиялик теннисчи Франция Очиқ чемпионатининг иккинчи босқичида америкалик Пейтон Стирнсга қарши кортга чиқади. Пейтон илк даврада хорватиялик Люция Чирич-Багарични қийинчилик билан мағлубиятга учратди - 6/3, 6/7(8), 7/6(10:6).