"Рома" Мхитаряннинг жавобини кутмоқда, унга яхшигина бонус таклиф қилишяпти

Маълум бўлишича, римликлар янги шартнома бўйича жумагача муҳлат беришган. Футболчи бугундан кечикмай, клубга ўз қарорини маълум қилиши керак. Клуб арманистонлик футболчи учун 1+1 кўринишида шартнома таклиф қилмоқчи. 

33 ёшли ярим ҳимоячининг маоши 3,5 миллион еврони ташкил этади. Ҳар 15 та ўйиндан сўнг эса маош кўтарилади ва 4,1 миллион еврогача етиб боради. Футболчига "Интер"дан ҳам таклиф бор ва миланликлар Мхитарян учун 4,5 миллион евро маош тўлашга тайёрлар.