"Рома" ва Шомуродов "Барселона"га қарши ўйнамасликка қарор қилди

"Рим клуби ҳеч қандай сабабсиз ўртадаги келишувни бекор қилди. Яқин 24 соат ичида учрашув учун чипталарни қайтариб олиш ишлари бошланади", - деб ёзилади клуб матбуот хизмати баёнотида.

Ушбу баҳс 6 август куни бўлиб ўтиши керак эди. Унда клубларнинг аёллар ва эркаклар жамоалари учрашувларда қатнашиши кўзда тутилганди. Айни дамда "Барселона" янги рақиб излаш жараёнини бошлаб юборган.

"Барселона" ҳуқуқий бўлими вазиятни ўрганишни бошлаган ва "Рома"дан етказилган манавий зарар учун жарима ундириш ниятида.