22 май 12:46
Янгиликлар
Футбол
Роналду Европа чемпионатида иштирок этиш бўйича рекордчига айланади
Португалиялик форвард фаолиятида олтинчи маротаба терма жамоа қайдномасидан ўрин олди.
Криштиану Роналду Европа чемпионатида иштирок этиш бўйича рекордчига айланади. Яқинлашиб келаётган Евро-2024 39 ёшли ҳужумчи учун олтинчи қитъа биринчилиги бўлади. Турнирда иштирок этишлар сони бўйича Роналду биринчи ўринга чиқиб олади ва 5 та Европа чемпионатига борган Икер Касильясни ортда қолдиради.
Фарқи шундаки, Кришитану бешта мусобақанинг ҳар бирида ўйнаган ва таркибга киритилган, испаниялик дарвозабон эса бешта мусобақадан учтасида майдонга тушган. Роналду илк бор 2004 йил Европа чемпионатида қатнашган. Ўшанда Португалия терма жамоаси финалда Грецияга имкониятни бой бериб қўйганди (0:1).
2016 йил эса Криштиану Португалия билан турнирда ғолиб чиқди.
Ҳавола :
Фикрлар