Роналду фаолиятини қачон тугатиши ҳақидаги саволга жавоб берди

Футболчининг сўзларини "A Bola" нашри келтирмоқда.

"Мен бизнинг рангларимиз шаънини ҳимоя қилишдан ғурурланаман, бу орзу. Шу боис терма жамоани тарк этар эканман, ҳеч кимни олдиндан огоҳлантирмайман, буни яхшилаб ўйлаб кўраман. Ҳозир терма жамоага қўлимдан келганича ёрдам бермоқчиман.

Айни пайтда бирор бир жамоага мураббий бўлиш хаёлимга келгани йўқ. Мен келажагимни бу йўналишда кўрмаяпман. Мен ўзимни футболдан ташқари бошқа ишлар билан шуғулланаётганимни тасаввур қиламан, лекин келажакни фақат Худо билади", – деди Роналду.