10 мар 15:01
Янгиликлар

Бокс/ММА

Ронда Роузи: "Оқ уйдаги UFC карди - ахлат!"

UFC собиқ чемпиони, америкалик Ронда Роузи Жина Каранога қарши кечадиган турнир карди ҳақида гапирди ва уни Оқ уйдаги UFC тадбири билан таққослади.

"Фрэнсис Нганну ва Филип Линс 16 май куни Netflix’да Роузи ва Каранонинг жанги кардига қўшилади! Бундай қўшалоқ асосий кард сизга ёқадими? Жангчилар ва мухлисларни акциядорлардан устун қўйганингда шундай бўлади.

P.S. Оқ уйдаги UFC карди - ахлат!" - деб ёзди Роузи Х ижтимоий тармоғидаги аккаунтида.

Турнир 16 май куни Лос-Анжелесдаги Intuit Dome аренасида бўлиб ўтади. Асосий жанг Роузи ва Карано ўртасида кечади. Келишувга кўра ушбу турнир доирасида оғир вазн тоифасида собиқ UFC чемпиони Фрэнсис Нганну ва Филипе Линс ҳам тўқнаш келади. Тадбир Netflix орқали трансляция қилинади.

UFC Freedom 250 турнири 14 июнь куни Оқ уй яқинида бўлиб ўтади. Оқшомнинг марказий жангида Илия Топурия ва Жастин Гэтжи ўзаро куч синашади.