20 апр 14:50
Янгиликлар

Роппа-роса 11 йил аввал шу куни Сафина дунёнинг биринчи ракеткаси бўлган

Россиялик собиқ теннис маликаси Динара Сафина учун бугунги сана ўзига хос аҳамиятга эга ҳисобланади.

Динара бундан роппа-роса 11 йил аввал, аниқроғи 2009 йилнинг 20 апрель санасида дунёнинг биринчи ракеткасига айланган эди. Сафина 26 ҳафта давомида рейтинг пешқадами бўлиб турган. У Мария Шараповадан кейин дунёнинг биринчи ракеткаси бўлган иккинчи россиялик ҳисобланади.

Маълумот учун, Динара Сафина Пекин-2008 Олимпиадасининг яккалик баҳсларида кумуш медаль соҳибаси, жуфтликда US Open-2007 чемпиони бўлган. Шунингдек, 12 та WTA турнирлари ғолибасига айланган. Унинг акаси Марат Сафин ҳам катта теннисда машҳурликка эришган.