20 мар 14:20
Янгиликлар
Россия 1077 кундан бери илк бор UFC чемпионисиз қолди
Ўз-ўзидан енгил вазн тоифасидаги UFC камари эгасиз қолди. UFC 15 май куни Чарльз Оливейра ва Майкл Чендлер ўртасида айнан шу камар учун жанг ўтказишини эълон қилди.
Хабибнинг кетиши ортидан UFC'да россиялик бирорта амалдаги чемпион қолмади. Россия 1077 кун деганда UFC чемпионисиз қолди.
2018 йилнинг 7 апрель санасида Хабиб Нурмагомедов Эл Яквинтани мағлуб қилиб UFC камарига эга бўлган эди. 2020 йилнинг 12 июль санасида эса Пётр Ян ўз вазн тоифасида чемпионликка эришганидан сўнг, россиялик чемпионлар сони иккитага етганди.
7 март куни Пётр Ян дисквлификация туфайли ўз камаридан мосуво бўлган бўлса, орадан 12 кун ўтиб Хабиб Нурмагомедов ҳам фаолиятини тугатганини эълон қилди. Шу тариқа 2018 йилдан бери биринчи марта Россия UFC чемпионисиз қолди.
Фикрлар