Россия чемпионати мухлисларсиз ўтказилади

Хабар берганимиздек, эркин курашчилар ўртасидаги мамлакат чемпионати 9-11 октябрь кунлари Владикавказ шаҳрида бўлиб ўтади. Шимолий Осетия санитария хизмати расмийлари чемпионат беллашувларига мухлисларни киритишга қарши эканликларини маълум қилишди. Бу ҳақида телевидениядаги чиқишида Шимолий Осетия-Алания спорт вазири, юнон-рим кураши бўйича Олимпиада чемпиони Алан Хугаев хабар берди.

"Биз бу масалани тегишли ташкилотлар билан муҳокама қилдик. Чемпионат баҳсларини мухлисларсиз ўтказишни маслаҳат беришди. Мамлакатимиз, шу жумладан Владикавказдаги эпидемиологик вазият спортчиларнинг соғлиғи билан таваккат қилмасликка чорламоқда", - деди Хугаев.  

Эслатиб ўтамиз, коронавирус пандемияси сабаб Россия чемпионатининг манзили ва муддати уч бор ўзгартирилди. Аввалига Улан-Удэ, кейин Москва, энди эса Владикавказ мезбон сифатида танланди. Беллашувлар 10 та вазн тоифасида ўтказилади.