Россия Лондон Олимпиадасида қўлга киритган 15 та медалдан маҳрум бўлди

2018 йилда бошланган қайта таҳлиллар натижасида 73 та антидопинг қоидалари бузилиши аниқланган, 46 та медаль (саккизта олтин, 16 кумуш ва 22 бронза) қайта тақсимланган, 31 та мукофот олиб қўйилган.

Хабарга кўра, энг кўп қоидабузарлик россиялик спортчилар орасида аниқланган – 21 та, бу эса 15 та медалнинг бекор қилинишига сабаб бўлган. Бу кўрсаткич бўйича иккинчи ўринда Беларусь (11), учинчи ўринда Украина (7) жойлашган.

Агентлик томонидан жами 2727 та намуна таҳлил қилинди. Оғир атлетика бўйича 22 та, енгил атлетика бўйича 18 та, кураш бўйича тўртта, эшкак эшиш ва каноэда эшкак эшишда иккита медаль қайта тақсимланди.