UZ

Сўнгги янгиликлар

09:05Чирчиқда Ўзбек жанг санъати бўйича Ўзбекистон Кубоги ўтказилди 0 08:3419 ёшли Мирра Андреева Якуний WTA турнири чемпиони бўлди 0 08:03Total Chess. Абдусатторов иштирок этган турнирда 1/2 финалчилар аниқланди 0 07:32Миллатлар лигаси. Италияда йирик мағлубият, Зидан шогирдлари зафар қучишди, Испания ниҳоят ютқазди 0 07:01Шара Буллет UFC`да 100 миллионга жангда ютқазишни таклиф қилишгани ва ҳатто рақибни ҳам айтиб ўтди 0 18:41Белбоғли кураш. Кучлилар Фарғонада аниқланди 0 18:10Майкл Моралес: "Махачевдаги камарни Эквадорга олиб кетаман" 0 17:39"Реал Мадрид" етакчиси билан янги шартнома имзолади 0 17:08"Хабиб фаолиятини якунлаётганида унга қўлимдан келган барча нарсани таклиф қилганман" - Дана Уайт 0 16:37Дана Уайт ташкил этмоқчи бўлган жангларни санаб берди 0 16:04Спорт курашлари бўйича Ўзбекистон чемпионати якунланди 0 15:33Афсонавий Роналдиньо профессионал футболга қайтиши сабабини ошкор қилди 0 15:02ММА жамоатчилигининг Харрисон - Нуньес жангига муносабати: "Тарихдаги энг ёмон режа" 0 14:31UFC 334 турнирининг бонус соҳиблари эълон қилинди 0 14:00Мераб Двалишвили "ишкалдаги дўсти" Саба Лазишвилига UFC томонидан шартнома таклиф этилганини айтди 0

14 май 08:11
Янгиликлар

Тадбирлар

Россия спортчилар иттифоқи МОҚнинг ҳамкорларидан бирига айланди

Теглар :  РоссияМОҚ
Россия Олимпия қўмитаси Бош котиби Родион Плитухин, “Россия спортчилар иттифоқи” ташкилоти президенти, эркин кураш бўйича Олимпиада чемпиони Давид Мусульбес ва унинг ўринбосари, қиличбозлик бўйича 2 карра Олимпиада чемпиони Татьяна Логунова Ўзбекистон Миллий Олимпия қўмитасига ташриф буюришди.

Меҳмонларни Ўзбекистон МОҚ Бош котиби Ойбек Касимов қарши олди. Шундан сўнг Ўзбекистон ва Россия спортидаги дўстона алоқаларни янги босқичга олиб чиқиш мавзусида учрашув ўтказилди.

Унда, шунингдек, Ўзбекистон Республикаси Ёшлар сиёсати ва спорт вазирининг маслаҳатчиси Аваз Каримов, Баҳодир Махситов бошчилигидаги юртимиз спорти фахрийлари ҳам иштирок этишди. Суҳбат аввалида Ойбек Омилович бундай фахрий меҳмонларни кутиб олиш ва ўзаро дўстона алоқаларни янада ривожлантиришдан мамнун эканини билдирди. 

МОҚ Бош котиби мамлакатимизда Президентимиз томонидан Олимпизм ҳаракатини ривожлантириш бўйича олиб борилаётган ислоҳотлар ҳақида ҳам маълумот берди. Шунингдек, пойтахтимизда ўтаётган бокс бўйича жаҳон чемпионатида россиялик спортчиларнинг қайд этаётган натижаларини юқори баҳолади.

Ўз навбатида, меҳмонлар ҳам кўп йиллик ҳамкорликни давом эттириш ривожланиш сари қўйиладиган янги қадам бўлишини таъкидлашди. Хусусан, бир қатор лойиҳаларни амалга ошириш, кўплаб спорт турларида терма жамоалар ўртасида қўшма ўқув-машғулот йиғинларини ўтказиш, замонавий спортнинг илм-фан ютуқлари бўйича тажриба алмашиш бўйича фикр юритишди.

Тадбир якунида Ўзбекистон спорт фахрийлари кенгаши ҳамда “Россия спортчилар иттифоқи” ўртасида ҳамкорлик меморандуми имзоланди. Ундан келгусида ҳар икки мамлакат спорт фахрийлари иштирокида тадбирлар ташкил этиш, спорт ютуқларида уларнинг бой тажрибасидан фойдаланиш каби масалалар ўрин олган.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг