Россия терма жамоаси бош мураббийи: "Энди қаттиқ меҳнат қилишимиз керак"

"Россия чемпионатида барча вазн тоифалари яхши ва рақобатбардош. Қайсидир вазнда рақобат паст, деган ҳолат йўқ. Ҳар бир вазнда халқаро мусобақалар совриндорлари ва чемпионлари бор. Шунингдек, раҳбарият қуръа ташлаш маросимини ўтказишга рухсат бергани ва энг кучли боксчиларни турли тоифаларга ажратиб қўйгани ҳам яхши бўлди.

Умуман, раҳбарият бизнинг фикрларимизга эътиборли муносабатда бўлади ва илтимосларимизни инобатга олади. Бунинг учун уларга катта раҳмат. Энди эса биз ишлашимиз, қаттиқ меҳнат қилишимиз, қўлни шимариб, бор кучимиз билан ҳаракат қилишимиз керак. Мамлакатимиз учун яхши натижага эришиш учун ер тишлаб бўлса ҳам курашишимиз лозим. Биз айнан шунинг учун меҳнат қиляпмиз.

Ким кучли бўлса, ўша ғалаба қозонади ва мусобақаларга ҳам энг кучлилар боради. Биз рухсат берилишини узоқ кутдик, энди эса ўзимизни кўрсатишимиз керак", — деди Виктор Фархутдинов.