Россия терма жамоаси кетма-кет иккинчи марта "Дэвис Кубоги" ярим финалига чиқди

Жаҳоннинг 2-ракеткаси Даниил Медведев "Дэвис Кубоги" чорак финалида Швеция терма жамоаси вакили Микаэл Имерни 6/4, 6/4 ҳисобида мағлуб этди. Шу тариқа жуфтлик ўйинига эҳтиёж қолмади. Бу йил чорак финалда ҳал қилувчи жуфтлик учрашувини ўйнаш шарт бўлмаган ягона ўйин мана шу бўлди.

Россия терма жамоаси тарихда 10-марта ва кетма-кет иккинчи марта ярим финалга чиқди. 2019 йилда улар ярим финалда канадаликларга мағлуб бўлишган эди, 2020 йилда эса пандемия туфайли турнир ўтказилмади.

Финалга чиқиш учун россияликлар Германия билан куч синашади.