Россия Тошкентдаги жаҳон чемпионатида нечта медаль қўлга киритишни режалаштираётгани айтилди

Россия бокс федерацияси мураббийлар кенгаши раиси Эдуард Кравцов бокс бўйича эркаклар ўртасидаги жаҳон чемпионатидаги терма жамоасидан кутаётган натижалари ҳақида гапирди

«Мен эркаклар терма жамоаси мураббийи Виктор Фархутдинов билан гаплашдим. У учта олтин медални мақсад қилган. Аммо агар ҳозирги вазиятда бизда камида иккита олтин бўлса, бу муносиб натижа бўлади. Бизда яхши таркиб бор, сезиларли миқдордаги медалларга даъво қилишимиз мумкин. Бунда қуръа, спортчиларнинг соғлиғи билан боғлиқ кўплаб омиллар роль ўйнайди», - деди Эдуард Кравцов.