14 дек 17:10
Янгиликлар

Бокс/ММА

Россия ва беларуслик боксчилар WBA рейтингига қайтарилди

Бутунжаҳон бок ассоциацияси (WBA) Россия Федерацияси ва Беларусь Республикаси боксчилари рейтингини қайта тиклади.

Бу ҳақда WBA матбуот хизмати хабар бермоқда.

"Ушбу икки мамлакат спортчилари аскар ёки ҳукуматнинг бир вакили эмас. Шунинг учун, улар Украина билан урушга ҳеч қандай алоқалари йўқ. Спорт манфаати ҳамда уларнинг фаолияти учун ҳам рейтинглар қайта тикланади ва бу давлат боксчилари WBA чемпионлик камарлари учун жанг ўтказа олади", – дейилади WBA ташкилоти баёнотида.

Эслатиб ўтамиз, Бутунжаҳон бокс ассоциацияси шу йилнинг март ойида Россия ҳамда Украина ўртасидаги уруш ортидан Беларусь ва россиялик боксчиларни WBA рейтингидан чиқарган эди.