Россия vs Жаҳон юлдузлари. Ҳасанбой, Иқбол ва Лазизбек рингга чиқди

Ушбу бокс оқшомида Россия терма жамоаси Жаҳон терма жамоаси юлдузларига қарши баҳс олиб борди. Жаҳон терма жамоаси сафида ўзбекистонлик уч нафар чарм қўлқоп устаси ҳам рингга кўтарилди. Жанглар уч дақиқадан иборат беш раунд давом этди. 

Рио Олимпиадаси чемпиони Ҳасанбой Дўсматов мезбонлар вакили Тамир Галановни ҳакамларнинг бир овоздан берган баҳосига кўра очколар ҳисоби бўйича мағлуб этди. Иқболжон Холдоров эса тенг курашлар остида кечган жангда Шахабас Маҳмудовга имкониятни бой бериб қўйди. +91 кг вазн тоифасида рингга чиққан Лазизбек Муллажонов Иван Верясовга ютқазди. 

Умуман олганда, Жаҳон терма жамоаси таркибида фақат икки боксчи ғалабага эришди. Ҳасанбой Дўсматовдан ташқари -75 кг вазн тоифасида кубалик Осли Иглесиас Эстрада мезбон боксчи Глеб Бакшидан устун келди. Қолган барча вазнларда россиялик чарм қўлқоп усталари зафар қучишди.

Россия терма жамоаси - Жаҳон терма жамоаси 6:2

-57 кг: Альберт Батиргазиев (Россия) - Чатчаи Будти (Таиланд)

-69 кг: Шахабас Махмудов (Россия) -  Иқболжон Холдоров (Ўзбекистон)

-75 кг: Глеб Бакши (Россия) - Осли Иглесиас Эстрада (Куба)  

-63 кг: Алексей Мазур (Россия) - Оганес Бачков (Арманистон)

-81 кг: Имам Хатаев (Россия) - Хулио Сезар де ла Крус (Куба)

-52 кг: Тамир Галанов (Россия) - Ҳасанбой Дўсматов (Ўзбекистон)

-91 кг: Муслим Гаджимагомедов (Россия) - Эрисланди Савон (Куба)

+91 кг: Иван Верясов (Россия) - Лазизбек Муллажонов (Ўзбекистон)