16 фев 13:52
Янгиликлар

Олимпия ўйинлари, Хоккей

Россия хоккей терма жамоаси 1/2 финалга йўл олди

Қишки Олимпия ўйинларининг хоккей мусобақаси ўзининг ҳал қилувчи палласига кирди.

Бироз аввал эркаклар ўртасидаги турнирнинг иккинча чорак финал учрашуви якунига етди. Унда кутилганидек, Россия терма жамоаси Даниядан устун келди. "Укэсун Спортс-центр" аренада ўтган баҳсда Вадим Шипачёв, Никита Нестеров ва Вячеслав Войнов томонидан киритилган шайбалар Россия терма жамоасининг 3:1 ҳисобидаги ғалабасини таъминлади.

Россия терма жамоасининг ярим финалдаги рақиби айни дақиқаларда давом этаётган Финляндия - Швейцария учрашувидан сўнг маълум бўлади. Сўнгги чорак финал баҳси эса соат 18:30да Канада ва Швеция терма жамоалари ўртасида бошланади.