Россияда ғолибликни қўлга киритган “Ватанпарвар” спортчиси муносиб кутиб олинди

Тошкент халқаро аэропортида Россияда биринчи МДҲ давлатлари ўйинларида иштирок этган спортчиларимиз Ўзбекистон Республикаси мудофаасига кўмаклашувчи “Ватанпарвар” ташкилотининг Республика техник ва амалий спорт турлари маркази бош директори Анвар Курбаниязов ва Наманган вилояти кенгаши раиси Аҳмаджон Алаходжаев бошчилигида тантанали кутиб олинди.

Ушбу мусобақанинг пневматик қуролдан ўқ отиш йўналишида 1-ўринни эгаллаб, олтин медалга сазовор бўлган –“Ватанпарвар” ташкилоти Наманган вилояти кенгашининг ўқ отиш спорти секцияси аъзоси Муҳаммад Камалов кутиб олувчилар сафида ўз ота-онаси кўриб беҳад қувонди.

“Қандай ютуққа эришган бўлсам, барчаси “Ватанпарвар” ташкилотида фаолият юритаётган устоз-мураббийларим берган сабоқлар натижасидир. Ўз иқтидоримни намоён этишим учун барча имкониятларни тақдим этган давлатимиз раҳбари ва “Ватанпарвар” ташкилоти раҳбарияти ҳамда устозларимдан жуда миннатдорман. Энг катта орзуларимдан бири – 2024 йилда Францияда бўлиб ўтадиган ёзги Олимпия ўйинларида иштирок этиб, ғолибликни қўлга киритиш”, деди Муҳаммад Камалов журналистларга берган интервьюсида.

Ўзбекистон Республикаси мудофаасига кўмаклашувчи “Ватанпарвар” ташкилоти Матбуот хизмати