11 июл 08:45
Янгиликлар

Бокс/ММА

Россияда жанг қиладиган боксчиларимиз сони яна бир нафарга кўпаяди

Аввал хабар берганимиздек, 13 июль куни Россия Федерациясининг Екатеринбург шаҳрида RCC Boxing профессионал бокс оқшоми ташкил этилади.

Турнир доирасида яна бир ўзбекистонлик боксчи — Сардорбек Ғаниев рингга кўтарилади. 23 ёшли андижонлик чарм-қўлқоп устасига Россия вакили Нижат Садихов рақиб бўлади.

Олдинроқ, ушбу турнирнинг co main event'ида ҳамюртимиз Музаффар Расулов жанг қилиши ҳақида хабар берган эдик.

Маълумот учун, Сардорбек Ғаниев ҳозиргача тўртта жанг ўтказган ва уларнинг барчасида ғалаба қозонган. Асли озарбайжонлик Нижат Садихов эса 5 та жангда 4 та ғалаба ва 1 та мағлубият қайд этган.