Россияда спортчилар Ўзбекистон фуқаролигини олишгани бўйича изоҳ берилди

Спортчилар нима сабабдан Ўзбекистон фуқаролигини олганлари маълум қилинди. Бу ҳақида ТАСС хабар тарқатди.

«Ўзбекистонда яқиндагина бешкураш федерацияси ташкил этилганди. Олимпия ўйинларига бир йил қолганда сифатли спортчилар етиштириб чиқишлари кийин бўлганлиги сабабли улар биздан ёрдам сўрашди. Шу тариқа, бизнинг икки нафар спортчиларимиз эндиликда Ўзбекистон шарафини ҳимоя қилади. Биз спортчиларимиз учун ҳеч қандай товон пули талаб қилмадик. Нима сабабдан улар Ўзбекистон номидан иштирок этишга рози бўлишди? Улар Россия терма жамоаси сафида Олимпиадага бормасликлари мумкин, чунки бу ерда рақобат жуда кучли, Улар энди Ўзбекистон байроғи остида орзуларига етишлари мумкин»,-деди Россия замонавий бешкураш федерацияси раҳбари Вячеслав Аминов.